Pál Joensen svimur í Sørvági

Svimjisamband Føroya skipar fyri svimjidegi í Sørvági

Í dag, mikudagin 7. apríl er Slóðaraskipanin hjá Svimjisamband Føroya aftur á vitjan í Sørvági. Hesuferð luttekur Pál Joensen eisini. Pál og venjarin Jón Bjarnason eru á veg til Suðurafrikanska meistarastevnuna, ið byrjar mánadagin. Men áðrenn farið verður á flog, fáa vágafólk møguleika at svimja og venja saman við Páli.

Tiltakið er ókeypis, og øll eru vælkomin, og við hesum tiltaki vónar Svimjisambandið at koma í samband við svimjiáhugaði í Vágunum og økja um svimjiáhugan.


Skráin er hendan:
kl. 15.00–16.00 Venjing og frálæra
kl. 16.00–17.00 Svimjikapping, Pál Joensen luttekur, allir luttakarar fáa prógv
kl. 17.15–18:00 Fundur um svimjing. Frásøgn, upplýsingar og annað svimjiprát.

Sørvágs Kommuna hevur víst hesum svimjidegi stóran vælvilja og latið hylin til hetta tiltak.

Svimjisambandið vónar at vágafólk møtir fjølment.

Vegna SSF

Jon Hestoy

This entry was posted in Felagsskapur. Bookmark the permalink.