Føroysk luttøka á norðurlendskari ráðstevnu

Í døgunum 23. – 26. okt var tann 9. norðurlendska ráðstevnan hildin í Selfossi í Íslandi, evnið var “Elementary Svimming Teaching”. Høvuðstalari var kendi kanadiumaðurin Steve Haufler, sum vísti ein hóp av hjálpiamboðum, m.a. einum stórum spegili, sum kann leggjast niður á botnin, so at svimjarin sær seg sjálvan, meðan hann svimur. Umframt vóru íslendingar, ið søgdu frá sínum royndum, og hvussu svimjingin var skipað í skúlunum / feløgum har.

Jórun Eið Johannesen, sum umboðaði Føroyar, mælir øllum svimjilærarum / venjarum at fara á komandi ráðstevnu, ið verður í Noregi í 2010. Á ráðstevnuni vóru uml. 130 luttakarar. Fleiri av luttakarunum, sum vóru væl royndir og á høgum stigi innan svimjingina, søgdu seg fáa nógv burtutúr.

This entry was posted in Útbúgving. Bookmark the permalink.